Да Дня роднай мовы
22.02.2022У рамках “Дня роднай мовы” у ДУА”Томкавіцкі вучэбна-педагагічны комплекс яслі-сад – базавая школа” адбыліся разнастайныя цікавыя і пазнавальныя мерапрыемствы.
Для вучняў 5-6 класаў сумесна з Томкавіцкай сельскай бібліятэкай была праведзена квэст-гульня па творчасці Я.Купалы і Я.Коласа. Вучні з захапленнем здзейснілі вандраванне ў каштоўную краіну беларускай паэзіі, дакрануліся сэрцам да вытокаў роднай мовы.
Да мерапрыемстваў прыўрочана выстава “Мой родны кут – мая Радзіма”, прысвечаная 140-годдзю са дня нараджэння Янкі Купалы і Якуба Коласа.
Таксама вучні нашай установы адукацыі далучыліся да акцыі (челенджера) “Мая мова-мой спрадвечны скарб” і ва ўсіх класах прайшла гульня “Скарбы роднай мовы”.
У маленькіх нашых выхаванцаў старэйшай групы ДУА “Томкавіцкі УПК яслі-сад-базавая школа” адбылося нават вялікае падарожжа, прысвечанае Дню роднай мовы. Яны наведалі Томкавіцкую сельскую бібліятэку, каб пачытаць любімыя часопісы “Буся” і Вясёлка”, падзяліцца ўражаннямі аб творах на беларускай мове, прыняць удзел у гульне па сцяжынках загадак “Мой родны край”.
Працягнулі нашы выхаванцы старэйшай групы сваё вандраванне да Дня роднай мовы і трапілі ў наш школьны этнаграфічны музей “Мой родны кут”. Яны адчулі тую пяшчоту і ласку праз гучанне роднай мовы, якія даруе нам наша Радзіма і якія перадаюцца з пакалення ў пакаленне.
“Мова!Як сонца маё беларускае,
Ты свецішся словам кожным…
Нашу я любоў да цябе вялікую
У сэрцы сваім маленькім.” Я.Янішчыц
Запрашаем усіх да нас у этнаграфічны музей “Мой родны кут”. Далучайцеся разам з намі да нашай Спадчыны!
У пачатковых класах прайшлі майстар-класы па вырабу выцінанак